اسرة اميرة توضح : قوة من الجهاز ومكافحة المخدرات قامت باعتقالها

الخرطوم/ تابع نيوز

انا اماني عثمان حامد المحامية/داهمت منزلنا قوه من جهاز الامن الوطني، منزلنا بالرياض مربع 17 منزل 34 حوالي الساعة ١١:٣٠ القوة مكونه من 30 فرد يحملون أسلحة كلاشنكوف وعصي وخراطيش قاموا باختطاف المهندسه/اميرة عثمان حامد/رئيسة مبادرة لا لقهر النساء واخذها الي جهه غير معلومه. صحونا علي اصوات خبط وطرق بشده على الأبواب والغرف في البيت وعندما فتحت باب الصاله فوجئت بوجود شخص ملثم الوجه قلت ليه انت منو قال هو محمد / عاوز أميرة وقلت ليه نحنا ما بنعرفك واتفضل اطلع بره لحدي ما اجيك وقفلت الباب اذا بي تفاجأت بدخولهم من غرفة امي والعيال وكانوا بيضربوا في الباب بشدة وبيدفر في الباب امي قالت ليه انتو منو قالوا هم مكافحة المخدرات عاوزين اميرة امي قالت ليه خليني البس توب وافتح ليكم دفروا الباب ودخلوا علينا حوالي عشره افراد داخل غرفة امي وداخل الهول وفتح الدولاب واخذ توب واعطاه لي امي قال ليها اعطيه لي اميرة امي قالت ليه اميرة معاقه ما بتلبس توب وبيدقوا في باب غرفة اميرة بشدة وانا قلت ليهم اميرة في الحمام قال لازم تفتح الباب قلت ليه معاقه دفر باب الغرفة واميرة كانت في الحمام وقال خلوا الغرفة فاتحه انا وامي رفضنا ودخل معانا في عراك انه لازم يفتح باب الغرفة بالقوة واتصل لمزيد من القوه وفعلا دخلوا مزيد منهم ملثمين وبعضهم يرتدي كمامه وقال ليهم تعالوا باسلحتكم عشان ح يدخلوا يشيلوا اميرة بالملايه انحنا صرخنا فيهم بشده كيف تستعملوا القوة في اخذها وهي معاقه ولم يهتموا بذلك فتحوا باب الغرفة واميرة كانت بتلبس في هدومه وقالت ليه افتح وشك عشان اعرفك انت منو العاوز تسوقني بالملايه قالت لي ليه( انا داعره) وامي حصل ليها انهيار والاطفال يصرخوا مرتعبين من الخوف. وقال عاوزين موبايل اميرة، اميرة قالت ليه انه اتسرق ودخلوا وفتشوا الغرفة وانا قلت ليهم انتو ما رجال سودانيين وليس لكم اخوات وامهات حسبي الله ونعم الوكيل فيكم. وخرجنا الي الشارع مع اميرة وانا اصريت امشي معاها وقالوا لازم اجيب موبايلي معاي فرفضت وقال عشان امشي معاهم لازم اخذ موبايلي معاي ومشيت وجدت اميرة ركبت في بوكس ومعها في البوكس قوه مسلحه ركبت البوكس التاني وبعد دقائق تم انزالي من البوكس وقالوا لي انزلي نحنا نازلين معاك بعد ذلك اخذوا اميرة معهم قوة من الامن مكونه من 3 بكاسي بهم حوالي 30 فرد مدججين بالسلاح والعصي.