انكسارات

عتاب

هديل محمد بخيت

سنوات تمضي تتخللها العديد من النكبات والانكسارات بعضها  نتقلب عليها والبعض الآخر يتغلب علينا.

نخسر معارك وأخرى نكسبها ونظل نحن كما نحن تقوينا لا تضعفنا تذيدنا قوة وثبات.

بعض الناس في حياتنا وجودهم يسبب لنا الألم والألم والألم فقط لا يمنحونا سوى الضعف والحزن وكسر الخاطر  لا نستطيع الابتعاد عنهم أو البقاء معهم.

زاد عمري سنة فنظرت في المرآة  ولم أرى نفسي رأيت حطام امرأة تكالبت عليها السنوات وهدتها المحن.

نظرت في المرآة فلم أجد نفسي وجدت ملامح وجه زابل لا ملامح له.

نظرت في المرآة وكأني انظر لوجه آخر لا يشبهني الحزن يكسو مقلتي واليأس سطر خطوط وجهي.

نظرت في المرآة فرأيت امرأة زابلة دامعة حزينة كئيبة بائسة لا تشبهني.

كانت تتمتع بالحيوية والنشاط، اجتماعية تعشق الحياة تعمل بجد وشغف محبة للحياة اليوم هي وحيدة منزوية في ركن قصي لا شغف لها ولا تحب شيء فقط تنتظر نبضات تعلن إيقافها.

  لم أعد احب فيك شيء لم تترك لي مجال لاحبك أكثر.

قسوة قلبك إهمالك غيابك وانت حاضر جعلاني امحي حبك من قلبي لم يعد قلبي يخفق عند سماع أسمك.

الاهتمام والحب والكلمة السمحة، المودة والرحمة (البنشحدم شحدة) من الناس البنحبهم ويدونا ليها بعد عتاب ولوم ما بكون ليها ااااي معنى وما بتكون جبر خاطر بالعكس بتكون كسرة خاطر  واحساسه بكون باهت.

الناس البنحبهم ما نبخل عليهم بكلمة طيبه عشان ما يفتشوها عند ناس تانين غيرنا.

ما نبخل عليهم بعبارة بحبك عشان ما في يوم يكون وجودنا في حياتهم زي عدمو واحد.

الحياة دي قصيرة ما بنعرف متين ح نفارق بعض متين ح نفقد زولنا البنحبو عشان كدا في كل لحظة تمر بينا نعبر فيها لبعض عن محبتنا.

فيها شنو لو في زحمة شغلنا نتصل على بعض نقول كلمة واحدة بس بتفرق كتيير (مشتاق ولله )؟

ولا لو اتلاقينا هسه واتقالدنا بحب فيها شنو؟.

المودة والرحمة في التفاصيل الصغيرة دي  في عناقنا وكلامنا السمح في كلمتنا الطيبة  وفي نظرات عيونا الما بتخبي محبتنا. زولك البتحبو ما تبخل عليه بعواطفك ومشاعرك   وما تحرمو  منها  عشان لما يلاقيها من زول غيرك ويسيبك ما تقول يا ريت